యూపీ సీఎం యోగీ ఆదిత్యానాథ్‌ ఇలాకాలో మరో ఎన్‌కౌంటర్‌ చోటుచేసుకుంది. ఈ సారి పోలీసులు జరిపిన ఎన్‌కౌంటర్‌లో షూటర్ గిరిధారి హతమయ్యాడు. వివరాల్లోకి వెళితే.. లక్నో నగరంలోని విభూటీఖండ్‌ గోమతినగర్‌లో సోమవారం ఉదయం ఎన్‌కౌంటర్‌ చోటుచేసుకుంది. షూటర్ గిరిధారి పోలీసుల కస్టడీ నుంచి తప్పించుకునేందుకు ప్రయత్నించాడు. దీంతో పోలీసులు కాల్పులు జరపడంతో షూటర్ గిరిధారి హతమయ్యాడు. జనవరి 6వ తేదీన గ్యాంగ్‌స్టర్‌, నేరగాడు అయిన అజిత్‌సింగ్‌ను దుండగులు కాల్చి చంపారు. ఈ కేసులో ప్రధాన నిందితుడిగా షూటర్ గిరిధారి ఆరోపణలు ఎదుర్కొంటున్నాడు. అయితే హత్య జరిగిన స్థలానికి షూటర్‌ను తీసుకెళ్లి.. వెపన్స్‌ కోసం వెతుకుతుండగా.. షూటర్ గిరిధారి ఎస్సైను తోసి రివాల్వర్ లాక్కుని పారిపోబోయాడని.. లొంగిపోవాలని హెచ్చరించినప్పటికీ.. పోలీసులపైకి కాల్పులు జరిపారని అధికారులు తెలిపారు. ఈ క్రమంలో పోలీసులు జరిపిన ఎదురు కాల్పుల్లో గిరిధారి హతమయ్యాడని వెల్లడించారు.
Accused was taken to a location to retrieve weapon. He hit a Policeman there, snatched his gun & ran away. Police chased him. He fired bullets, injuring one. He was asked to surrender but he fired again, got injured in retaliatory firing & died in hospital: Jt Police Commissioner https://t.co/kTb7AEifxU pic.twitter.com/zoi2YOJHe4
— ANI UP (@ANINewsUP) February 15, 2021